العودة   منتديات عرب هارد > >
اسم العضو
كلمة المرور
 
 
  1  - ( 2011-06-11, 05:59 PM )
Sea girl
كلمات البوم فيلم الفاجومى احمد شعد يعيش اهل بلدى 2011




كلمات البوم فيلم الفاجومى احمد شعد يعيش اهل بلدى 2011
كلمات البوم فيلم الفاجومى احمد شعد يعيش اهل بلدى 2011

كلمات اغنية بقرة حاحا
ناح النواح و النواحة
على بقرة حاحا النطاحة
و البقرة حلوب
حاحا
تحلب قنطار
حاحا
لكن مسلوب
حاحا
من أهل الدار
حاحا
و الدار بصحاب
حاحا
و احداشرباب
حاحا
غير السراديب
حاحا
و جحور الديب
حاحا
و بيبان الدار
حاحا
واقفين زنهار
حاحا
و يوم معلوم
حاحا
عملوها الروم
حاحا
زقوا الترباس
حاحا
هربوا الحراس
حاحا
دخلوا الخوجات
حاحا
شفطوا اللبنات
حاحا
و البقرة تنادي
حاحا
و تقول يا ولادي
حاحا
و ولاد الشوم
حاحا
رايحين ف النوم
حاحا
البقرة انقهرت
حاحا
ف القهر انصهرت
حاحا
وقعت ف البير
حاحا
سألوا النواطير
حاحا
طب وقعت ليه
حاحا
وقعت م الخوف
حاحا
و الخوف ييجي ليه
حاحا
من عدم الشوف
حاحا
وقعت م الجوع
و من الراحة
البقرة السمرة النطاحة
ناحت مواويل النواحة
على حاحا
و على بقرة حاحا


كلمات اغنية صباح الخير

صباح الخير
على الورد اللى فتح
فى جناين مصر
صباح العندليب يشدى
بألحان السبوع يا مصر
صباح الدايه واللفة
ورش الملح فى الزفة
صباح يطلع بأعلامنا
من القلعة.. لباب النصر
سلامتك يامه يا مهرة
يا حباله.. يا ولادة
سلامة نهدك المرضع
سلامة بطنك الخضرا
سلامتك من آلام الحيض
من الحرمان.. وم القهرة
هناكى.. وفرحة الوالدة
تضمى الولد يا والدة
يصونهملك.. ويحميهم
يكبرهم .. يخليهم
يجمع شملهم بيكى
يقرب فرحتك بيهم
صباح الخير على ولادك
صباح الياسمين والفل
يعيشوا.. ويفنوا حسادك
ويسقوهم كاسات الذل
وبلغ.. يا سمير غطاس
يا ضيف المعتقل سنوى
بصوتك دا اللى كله نحاس
صباح الخير على الثانوى
وأهلا بيكوا فى القلعة
ويللى فى الطريق جايين
مادامت مصر ولادة
وفيها الطلق والعادة
ها تفضل.. شمسنا طالعة
برغم القلعة.. والزنازين
صباح الخير
----------

كلمات اغنية واه يا عبد الودود

واه يا عبد الودود
يا للي رابض عالحدود ..
و محافظ عالنظام
كيفك يا واد صحيح ..
عسى الله تكون مليح
وراقب للأمام ..

أمك عتدعي ليك ..
وعتسلم عليك ..
وتقول بعد السلام :
خليك ددع لابوك (جدع )
( لا يقولوا منين دابوك ) ( جابوك )
ويمصِّخوا الكلام !

&&&&&&&

واه يا عبد الودود
عقلك وانته خابر ..
كل القضيَّة عاد..
ولسّه دم خيّك
ما شِرباش التراب

حسّك عينك تزحزح
يدك عن الزناد
خليك يا عبده راصد
لساعة الحساب
آن الأوان يا ولدي
ما عاد الاّ المعاد ..
تنفضّ الشركة واصل
وينزاحوا الكلاب
إن كنت ودّ أبوك..
تديب لي ثار أخوك
والأهل يبلّغوك
دميعاً السلام ( جميعاً )

&&&&&&&

واه يا عبد الودود
كيفك وكيف زمايلك ؟
عسى الله طيبين ..
خالك زناتي جايلك..
ضمن المطّوعين ..
واختك تطلع يوماتي
عالمِستِشْفى القديمة
حاكم عيمرنوها ..
في العَرْكَة تكون حكيمة
ومحمّدين موافي
يتعلم المطافي
ويقولّك شِد عزمك..
ويقلك العوافي
ومنِهْنا القرايب
والعيلة والعيال
عيبلغوك سلامهم
ولتمّة الرِّجال
وآخر الكلام ..
نقولك في الختام
الله يصون بلدنا
ويحرس السلام
والدك / حسن محارب
(غفير برج الحمام)
_______

كلمات اغنية رجعوا التلامذه

رجعوا التلامذة
يا عم حمزة للجد تاني
يا مصر إنتي اللي باقية
و انتــــــــــي
قطف الأماني
لا كورة نفعت
و لا أونطة
و لا المناقشة و جدل بيزنطة
و لا الصحافة و الصحفجية
شاغلين شبابنا
عن القضيـــة
قيمولنا صهبة يا صهبجية
و دوقونا طعم الأغاني
رجعوا التلامذة
للجد تـــــــاني
طلعوا التلامذة ورد الجناين
اسمع يا ميلص و شوف و عاين
ملعون أبوك ابن كلب خاين
يا صوت أميركا
يا أمريكانـــــــي
رجعوا التلامذة يا عم حمزة
للجد تانــــــــــي
يا مصر إنتي اللي باقية و انتــــــــــي
قطف الأمانــــي
_______
ديستان

فاليري جيسكار ديستان
والست بتاعه كمان
حيجيب الديب من ديله
ويشبع كل جعان
ياسلاملم يا جدعان
ع الناس الجنتلمان
داحناحنتمنجه واصل
وحتبقى العيشه جنان
التلفزيون حيلون
والجمعيات تتكون
والعربيات حتمون
بدل البنزين برفان
وحتحصل نهضه عظيمه
وحتبقى علينا القيمه
فى المرسح أو فى السيما
أو فى جنينة الحيوان
وحتبقى الأشيا زلابيه
ولاحوجه لسوريا وليبيا
وحنعمل وحده أرابيا
مع لندن والفاتيكان
والفقرا حيكلوا بطاطا
وحيمشوا بكل ألاطه
وبدال ما يسوا شلاطه
حيسموا عبالهم جان
ودا بفضل صديكي ( صديقي)
ديستان الرومنتيكى
ولاحدش فيكو شريكى
فى المسكن والسكان
_______
كلمات اغنية الجدع جدع


الجدع جدع
و الجبان جبان
بينا يا جدع
ننزل الميدان
و الميدان بعيد
عن جوف المدينة
يا تار الشهيد
ف الكنال و سينا
بحري و الصعيد
احنا أهله ادينا
أصلب م الحديد
ف الشدة تلاقينا
بالنار و السلاح
نرفع الكفاح
فوق كل العواصف
و هبوب الرياح
يسبق الليالي
و يجيب الصباح
يهزم الهزيمة
و يداوي الجراح
عايزين الصباح ؟
قدامكو الميدان
و الجدع جدع
و الجبان جبان
____________

كلمات اغنية كل ما تهل البشاير

كل ما تهل البشاير
من يناير كل عام
يدخل النور الزنازن
يطرد الخوف
والظلام
يا نسيم السجن ميل
ع التعب وارمي السلام
زهر النوار
وعشش في الزنازين الحمام
***
من سكون السجن
صوتي
نبض قلبي
من تابوتي
بيقولولك يا حبيبتي
كلمتي
من بطن حوتي
سلمي لي ع الحابيب
يا حبيبتي
سلمي لي
كل حب
وله نصيبه من سلامي
بلغي لي
احضني العالم عشاني
بين عيونك
وابعتي لي
نظره
منها أشوف حبايبي
واشفي قلبي
واسأليلي
كل عالم في بلدنا
كل برج وكل مادنه
كل صاحب من صحابنا
كل عيَّل من ولادنا
حد فيهم شاف علامة

من علامات القيامة
قبل ما تهل البشاير
يوم تمنتاشر يناير
لما قامت مصر قومه
بعد ما ظنوها
نومه
تلعن الجوع والمذلة
والمظالم
والحكومة؟
***
سلمي لي ع الولاد السمر
خُضْر العمر
في عموم الحواري
سلمي لي ع البنات
المخطوبين في المهد
لسرير الجواري
واسأليلي بالعتاب
كل قاري في الكتاب
حد فيهم
كان يصدق
بعد جهل
وبعد موت
إن حس الشعب يسبق
أي فكر
و أي صوت
هي دي مصر العظيمة
يا حبيبتي
هي مصر
اللي فضلتي ف هواها
عشنا
على ألف قصر
هي دي يا عزة
مصر
___________

كلمات اغنية انا رحت القلعة

انا رحت القلعة و شفت ياسين
حوليه العسكر و الزنازين
و الشوم و البوم
و كلاب الروم
يا خسارة يا ازهار البساتين
عيطي يا بهية على القوانين
***
انا شفت شباب الجامعة الزين
احمد و بهاء
و الكردي و زين
حارمينهم حتى الشوف بالعين
و ف عز الضهر مغميين
عيطي يا بهية على القوانين
***
و قابلت سهام
في كلام انسان
منقوش و مأثر في الجدران
عن مصر و عن عمال حلوان
مظاليم العهد المعتقلين
عيطي يا بهية على القوانين
***
و قابلت هناك
منذر و زياد
و قابلت كمان عزت و جواد
اربعة ابطال
شنقوا الجلاد
التل يهوذا الفدائيين
زغرطي يا بلدنا لدول مساجين
و اسمعي يا بلدنا خلاصة القول
و باقولك اهه و انا قد القول
مش ممكن كدة حيحول الحول
على كده و الناس يفضلوا ساكتين
خليكوا فاكرين
خليكوا شاهدين
انا رحت القلعة و شفت ياسين
____________

كلمات اغنية يعيش أهل بلـــدي

يعيش أهل بلــــــــــــــــــــدي
و بينهم مافيـــــــــــــــــــــ ـش
تعارف يخلي التحالف يعيــش
تعيش كل طايفـــــــــــــــــــة
من الثانية خايفــــــــــــــــــــة
و تنزل ستاير بداير و شيـــش
لكن ف الموالـــــــــــــــــــ ـــد
ياشعبي يا خالـــــــــــــــــــــد
بنتلم صحبــــــــــــــــــــــ ـــة
و نهتف يعيــــــــــــــــــــــ ش
يعيش أهل بلــــــــــــــــــــدي
يعيش المثقف على مقهى ريش
يعيش يعيــــــــــــــــــــــ ــــش
محفلط مزفلط كثير الكـــــلام
عديم الممارســــــــــــــــــ ــة
عدو الزحـــــــــــــــــــــ ــــام
بكام كلمة فاضيـــــــــــــــــة
و كام اصطـــــــــــــــــلاح
يفبرك حلول المشاكل قـــوام
يعيش المثقف يعيش يعيش يعيش
يعيش التنابلة ف حي الزمالك
و حي الزمالـــــــــــــــــــ ــــك
مسالك مسالـــــــــــــــــــــ ـــك
تحاول تفكــــــــــــــــــــــ ــــر
تهوب هنالـــــــــــــــــــــ ـــــك
تودر حياتـــــــــــــــــــــ ـــــك
بلاش المهالـــــــــــــــــــ ــــك
لذلك إذا عزت توصف حياتهم
تقول الحياة عندنا مش كذلك
مش ممكن تشوفهـــــــــــــــم
ف وسط المدينــــــــــــــــــة
اذا مر جنبك اوتومبيل سفينة
قفاهم عجينـــــــــــــــــــــ ـــة
كروشهم سمينـــــــــــــــــــــ ة


جلودهم بتضــــــــــــــــــوي
دماغهم تخينـــــــــــــــــــــ ـة
سنانهم مبـــــــــــــــــــــــ ـارد
تفوت ف الجليــــــــــــــــــــ د
مفيش سخن بـــــــــــــــــــارد
بياكلوا الحديــــــــــــــــــــ ـــد
مدام نهر وارد
و جي م الصعيد
تزيد الموارد
كروشهم تزيد
و تسمع و تسلم
بان التنابلة أو الأكالين
حيسمح كبيرهم
و يعمل مقابلة مع الفلاحين
و يحصل تحالف مابين الجميع
و نملا المصارف
بدم القطيع
أطيع الخليفة
أطيع والديك
أطيع التنابلة
دا مفروض عليك
و تزرع و تبعت لحي الزمالك
و حي الزمالك
مسالك مسالك
تحاول تفكر تهوب هنالك
تودر حياتك
بلاش المهالك
لذلك اذا حد جاب لك سيرتهم
تبسمل تكبر
و تهتف كذلك
يعيش التنابلة
يعش يعيش يعش
يعيش أهل بلدي
يعيش الغلابة في طي النجوع
نهارهم سحابة
و ليلهم دموع
سواعد هزيلة
لكن فيها حيلة
تبدر تخدر جفاف الربوع
مكن شغل كايرو
ما يتبعش دايروه
لا ياكل و لا حتى يقدر يجوع
يا غلبان بلدنا
يا فلاح يا صاتع
يا شحم السواقي يا فحم المصانع
يا منتج يامبهج يا آخر حلاوة
يا هادي يا راخي ياعاقل ياقانع
ما تتعبش نفسك
ف شغل السياسة
و شوف انتشغلك
بهمة و حماسة
و عود عيالك فضيلة الرضا
لأن احنا طبعا عبيد القضا
و رزقك ورزقي و رزق الكلاب
دا موضوع مؤجل ليوم الحساب
كمان الصحافة حتكتب ف حالتك
و تنشر مناظر لخالك و خالتك
و تطلع يا مسعد عليك الغناوي
و تسمع باسمك ف قلب القهاوي
تحبك مشيرة و بنات الجزيرة
و قصة غرامك تشيع ف الرداوي
يعيش عم مسعد
يعيش يعيش يعيش
يعيش أهل بلدي
______

كلمات اغنية جيفارا

جيفارا مات
جيفارا مات
آخر خبر ف الراديوهات
و ف الكنايس
والجوامع
و ف الحواري
و الشوارع
و ع القهاوي وع البارات
جيفارا مات
جيفارا مات
و اتمد حبل الدردشة و التعليقات
مات المناضل المثال
يا ميت خسارة ع الرجال
مات الجدع فوق مدفعه جوة الغابات
جسد نضاله بمصرعه
و من سكات
لا طبالين يفرقعوا
ولا اعلانات
ما رأيكم دام عزكم
يا انتيكات
يا غرقانين
ف الماكولات و الملبوسات
يا دفيانين
ومولعين الدفايات
يا محفلطين
يا ملمعين يا جميسنات
يا بتوع نضال آخر زمن
ف العوامات
ما رأيكم دام عزكم
جيفارا مات
لا طنطنة
و لا شنشنة
و لا اعلامات و استعلامات
عيني عليه ساعة القضا
من غير رفاقة تودعه
يطلع أنينه للفضا
يزعق و لا مين يسمعه
يمكن صرخ من الألم
من لسعة النا ف الحشا
يمكن ضحك
أو ابتسم
أو انتشى
يمكن لفظ آخر نفس كلمة وداع
لجل الجياع
يمكن وصية للي حاضنين القضية
بالصراع
صور كثير ملو الخيال
و ألف مليون احتمال
لكن أكيد و لا جدال
جيفارا مات موتة رجال
ياشغالين و محرومين
يا مسلسلين
رجلين و راس
خلاص خلاص
ما لكوش خلاص
غير بالبنادق و الرصاص
دا منطق العصر السعيد
عصرالزنوج و الأمريكان
الكلمة للنار و الحديد
و العدل اخرس أو جبان
صرخة جيفارا يا عبيد
في أي موطن أو مكان
ما فيش بديل
ما فيش مناص
يا تجهزو جيش الخلاص
يا تقولو ع العالم

لتحميل الالبوم من هنــــــــــــــــــــا





  2  - ( 2011-06-14, 12:15 AM )
HearT BeaT
رد: كلمات البوم فيلم الفاجومى احمد شعد يعيش اهل بلدى 2011


جامد يا نوئة
تسلم ايدك يا قمرايه



  3  - ( 2012-09-14, 08:26 AM )
Nasrkoko
رد: كلمات البوم فيلم الفاجومى احمد شعد يعيش اهل بلدى 2011


تحفه بجد تسلم ايدك



  4  - ( 2012-09-14, 08:29 AM )
Best Time
رد: كلمات البوم فيلم الفاجومى احمد شعد يعيش اهل بلدى 2011


تسلم ايدك يا عسل



  5  - ( 2012-09-14, 08:31 AM )
Sweet Nody
رد: كلمات البوم فيلم الفاجومى احمد شعد يعيش اهل بلدى 2011


ميرسي يا قمر



  6  - ( 2012-09-14, 08:33 AM )
Amanda 7
رد: كلمات البوم فيلم الفاجومى احمد شعد يعيش اهل بلدى 2011


تسلم علي الموضوع الرائع



  7  - ( 2012-09-14, 08:34 AM )
Stylish Girl
رد: كلمات البوم فيلم الفاجومى احمد شعد يعيش اهل بلدى 2011


روعه وفي انتظار المزيد



 

الكلمات الدلالية (Tags)
2011, البوم, الفاجومي, احلى, بلدي, يعيش, فيلم, كلمات

أدوات الموضوع إبحث في الموضوع
إبحث في الموضوع:

البحث المتقدم
انواع عرض الموضوع


المواضيع المتشابهه
الموضوع المنتدى
تحميل فيلم الفاجومي dvd مواضيع عامة - مواضيع جديدة - مواضيع متنوعة
كلمات البوم تامر حسني اللي جاي احلي 2011 كلمات اغانى حب - كلمات اغانى جديدة - كلمات اغنية
حصريا تحميل البوم جميع اغانى فيلم الفاجومى( يعيش أهل بلدي) لاحمد سعد mp3 البومات 2014 mp3 - البومات 2014 - البومات 2014
صور فيلم الفاجومي خالد الصاوي 2011 صور فنانين - صور فنانات - صور مشاهير
كلمات البوم تامر حسنى - اللى جاي احلى 2011 منتدي سله المحذوفات


الساعة الآن 09:39 PM


Powered by vBulletin® Copyright ©2000 - 2014, Jelsoft Enterprises Ltd.
Search Engine Optimization by vBSEO
جميع المشاركات والمواضيع في المنتدى لا تعبر عن رأي إدارته بل تمثل وجهة نظر كاتبها فقط